دا اعلانانعام ولوں خارجہ محکمہ لئی امریکی وآنپاکستانی انسانی سمگلر نوں سزا د

Language: Punjabi

Title: دا اعلانانعام ولوں خارجہ محکمہ لئی امریکی وآنپاکستانی انسانی سمگلر نوں سزا د

Subtitle: نیڈ پرائس دا بیان ترجمان

Department: خارجہکمہ محامریکی

Office: دفتر ترجمان

Date: 2021/09/30

پاکستانی انسانی سمگلر نوں سزا دیواؤن لئی امریکی محکمہ خارجہ ولوں انعام دا اعلان

امریکی محکمہ خارجہ

ترجمان محکمہ خارجہ نیڈ پرائس دا بیان

فوری جاری کرن لئی

30 ستمبر، 2021

اج امریکی محکمہ خارجہ، پاکستانی انسانی سمگلر عابد علی بارے جانکاری دین والیاں لئی دو انعاماں دا اعلان کر رہیا ہے۔ پہلا انعام اک ملین ڈالر دا اے جیہڑا علی خان دی گرفتاری یا اوہنوں سزا دووان واسطے ضروری معلومات دین تے دتا جاوے گا۔ ایس توں علاوہ علی خان دے انسانی سمگلنگ نیٹ ورک نوں مالی نقصان پہنچاؤن والی معلومات دین والے لئی وی اک ملین ڈالر دا انعام رکھیا گیا ہے۔

آکھیا جاندا اے کہ لی خان پاکستان وچ بنیا ہویا سمگلنگ دانیٹ ورک چلاؤندا اے۔ ایہہ نیٹ ورک پیسے لے کے مشرق وسطی تے جنوب مغربی ایشیا توں بنا کاغذ پتراں دے لوکاں نوں امریکہ وچ سفر دی سہولت دیندا اے۔

دس پائی گئی اے بھئی دوجے دیساں راہیں پاکستان توں بین الاقوامی سفر دی ویونت بناؤن تے رابطہ کاری توں علاوہ، علی خان لوکاں نوں جعلی سفری کاغذ پتر بنا کے دین دی پیش کش کردا اے یا فیر بنا کے دیندااے۔

علی خان دی ورگےانسانی سمگلر ماڑے غریب لوکاں توں فیدا چُکدیاں نیں تے اوہناں نوں مصیبتاں وچ پاء دیندے نیں۔

امریکہ وچ سمگل ہوؤن والیاں نوں جنوبی تے وسطی امریکہ راہیں بڑا اوکھا تے مشکل سفر کرنا پیندا اے۔ جہندے وچ کئی کئی دن بُھکھے تریہائے ٹرنا پیندا اے۔ سفر دے دوران بہت سارے لوک چوری چکاری تے زیادتی دا نشانہ وی بندے نیں۔

7 اپریل، 2021 نوں امریکہ دے انصاف دین والے محکمے نے اک فرد جرم تے غور کیتا جیہڑی ورجینیا دے مشرقی ضلعے وچ دائر کیتی گئی سی۔ ایس فرد جرم وچ علی خان اُتے اک پردیسی نوں غیر قانونی طور تے امریکہ وچ داخل ہوؤن مدد دین تے اوتھے لیاؤن دی سازش دا الزام لایا گیا ہے۔

ایسے تریخ نوں ای، خزانے دے محکمے نے علی خان تے علی خان ٹرانس نیشنل کرمنل آرگنائزیشن ویرودھ ایگزیکٹو آرڈر 13581 دے تحت پابندیاں لا دتیاں ۔

یاد رہوے کہ ایگزیکٹو آرڈر 13581 بین الاقوامی جرائم پیشہ لوکاں دی جائیداد ضبط یا اوہدے تے روک لاون بارے اے۔

ایہہ انعام امریکی محکمہ خارجہ دے ٹرانس نیشنل آرگنائزڈ کرائم ریوارڈز پروگرام (TOCRP) دے تحت دتے جا رہے نیں۔ ٹی او سی آر پی تے نارکوٹکس انعامات پروگرام (این آر پی) دے تحت 1986 توں لے کے ہن تیکر 75 توں زیادہ بین الاقوامی جرائم پیشہ بندیاں تے منشیات دے وڈے سمگلراں نوں سزا دتی جا چکی ہے۔ محکمے نے 135 ملین ڈالر توں زیادہ انعام دتے نیں۔

امریکی محکمہ خارجہ دا بین الاقوامی نارکوٹکس تے قانون نافذ کرن والا ادارہ، TOCRP دی دیکھ ریکھ ڈرگ انفورسمنٹ ایڈمنسٹریشن، فیڈرل بیورو آف انویسٹی گیشن، ڈی ایچ ایس/ہوم لینڈ سکیورٹی انویسٹی گیشنز تے دوجیاں امریکی حکومتی ایجنسیاں دے نال رل کے کردا اے۔

اُتے دسے گئے بندے، TOCRP تے NRP بارے ہور جانکاری لئی امریکی محکمہ خارجہ آئی این ایل اینٹی کرائم ریوارڈز پروگرام ویکھو۔

اصل لکھت پڑھن دا لنک:

ایہہ ترجمہ پنجابی بولن تے سمجھن والے لوکاں لئی کیتا گیا ، اصل تے مکمل مطلب جانن واسطے تھلے انگریزی زبان وچ لکھے ہوئے نوں ای درست منیا جائے۔