امریکی دفتر خارجہ
دفتر برائے ترجمان
یکم دسمبر، 2021
صدر بائیڈن نے جمہوریت اور انسانی حقوق کو امریکہ کی خارجہ پالیسی کا مرکز بنانے کے ہمارے عزم کو مضبوط کرنے کے لیے جمہوریت پر ایک کانفرنس کے انعقاد کا وعدہ کیا۔ یہ صدر بائیڈن کے اس محکم یقین کی عکاسی کرتا ہے کہ دنیا کو درپیش اہم ترین مسائل پر قابو پانے کے لیے جمہوریتوں کو اکٹھا ہونا ہو گا، اکٹھے سیکھنا ہو گا، اکٹھے کھڑا ہونا ہو گا اور اکٹھے کام کرنا ہو گا۔ 9 اور 10 دسمبر کو ہونے والی اس ورچوئل کانفرنس میں دنیا بھر سے متنوع جمہوری حکمرانی کے تجربات کی نمائندگی کرتے 110 شرکاء، سول سوسائٹی اور نجی شعبے کے رہنما جمع ہوں گے۔
ورچوئل کانفرنس سے پہلے امریکہ کی پوری حکومت کے محکمے اور ادارے جمہوری تجدید سے متعلق باقاعدہ ذیلی اجلاسوں کا انعقاد کریں گے جن میں دنیا بھر سے وکلاء، صحافی، نجی شعبے اور سول سوسائٹی کے ارکان، قانون سازواور مقامی حکومتوں کے حکام شریک ہوں گے۔ امریکہ کو اس کانفرنس کے 19 اجلاسوں کے بارے میں بتاتے ہوئے خوشی ہے جو کانفرنس کے بنیادی مقاصد حاصل کرنے کے لیے عملی اقدامات کو مہمیز دیں گے۔ ان مقاصد میں جمہوریت کا دفاع اور آمریت کے خلاف تحفظ، بدعنوانی کامقابلہ کرنا اور انسانی حقوق کے احترام کو فروغ دینا شامل ہیں۔
تا اطلاع ثانی عام لوگ بھی اس کانفرنس کے اجلاسوں میں شرکت کر سکتے ہیں اور اس میں رسائی کی بابت معلومات کانفرنس کی ویب سائٹ https://www.state.gov/summit-for-democracy/ پر مل سکتی ہیں۔
اصل عبارت پڑھنے کا لنک: https://www.state.gov/united-states-hosts-december-2-8-lead-up-events-in-advance-of-summit-for-democracy/
یہ ترجمہ ازراہ نوازش فراہم کیا جا رہا ہے اور صرف اصل انگریزی ماخذ کو ہی مستند سمجھا جائے۔