صدر بائیڈن کی روس کے صدر ولاڈیمیر پوٹن کے ساتھ آئندہ فون کال کے بارے میں این ایس سی کی ترجمان ایمیلی ہورن کا بیان

صدر جوزف آر بائیڈن جونیئر جمعرات، 30 دسمبر، 2021 کو روس کے صدر ولاڈیمیر پوٹن کے ساتھ فون پر بات کریں گے۔ اس دوران وہ روس کے ساتھ آئندہ سفارتی معاملات سمیت متعدد موضوعات پر تبادلہ خیال کریں گے۔

بائیڈن انتظامیہ اپنے یورپی اتحادیوں اور شراکت داروں کے ساتھ جامع سفارت کاری میں مصروف ہے اور یوکرین کی سرحد پر روس کے فوجی اجتماع کے جواب میں مشترکہ لائحہ عمل پر مشاورت اور رابطے کر رہی ہے۔ صدر بائیڈن نے یورپ بھر کے رہنماؤں سے بات کی ہے اور بائیڈن انتظامیہ کے حکام نے اس سلسلے میں نیٹو، یورپی یونین اور او ایس سی ای کے ساتھ کثیرملکی حیثیت سے رابطے کیے ہیں۔ امریکہ کے حکام نے اپنے ہم منصبوں بشمول مشرقی پہلو کے ممالک، بی9 فارمیٹ میں شامل ملکوں اور یوکرین سے بھی متعدد مواقع پر مشاورت کی ہے۔

اصل عبارت پڑھنے کا لنک: https://www.whitehouse.gov/briefing-room/statements-releases/2021/12/29/statement-by-nsc-spokesperson-emily-horne-on-president-bidens-upcoming-phone-call-with-president-vladimir-putin-of-russia/ 

یہ ترجمہ ازراہ نوازش فراہم کیا جا رہا ہے اور صرف اصل انگریزی ماخذ کو ہی مستند سمجھا جائے۔