وزیر خارجہ بلنکن کی انڈیا کے وزیر برائے خارجہ امور ایس جے شنکر سے بات چیت

امریکی دفتر خارجہ
دفتر برائے ترجمان
19 اپریل، 2021

ترجمان دفتر خارجہ نیڈ پرائس کے مطابق:

وزیر خارجہ اینٹںی جے بلنکن نے آج انڈیا کے وزیر برائے خارجہ امور ڈاکٹر ایس جے شنکر سے بات کی جس میں انہوں نے امریکہ-انڈیا تعلقات کی اہمیت اور علاقائی سلامتی کے امور پر باہمی تعاون کی دوبارہ توثیق کی۔ وزیر خارجہ بلنکن اور وزیر جے شنکر نے افغانستان کے عوام کے لیے پائیدار امن اور ترقی میں معاونت کی غرض سے قریبی اور مسلسل تعاون پر اتفاق کیا۔ انہوں نے جمہوری اقدار سے دونوں ممالک کی مشترکہ وابستگی اور برما میں جمہوریت کی بحالی کے لیے باہمی مدد کا بھی دوبارہ یقین دلایا۔ وزیر خارجہ بلنکن اور وزیر جے شنکر نے موسمیاتی تبدیلی، کوویڈ-19 اور دوسرے عالمگیر مسائل پر امریکہ-انڈیا تعاون پر تبادلہ خیال کیا اور ان مسائل نیز باہمی دلچسپی کے دیگر امور پر ایک دوسرے سے قریبی رابطہ رکھنے کا عہد کیا۔

اصل عبارت پڑھنے کا لنک: https://www.state.gov/secretary-blinkens-call-with-indian-external-affairs-minister-s-jaishankar-2/

یہ ترجمہ ازراہ نوازش فراہم کیا جا رہا ہے اور صرف اصل انگریزی ماخذ کو ہی مستند سمجھا جائے۔