An official website of the United States Government Here's how you know

Official websites use .gov

A .gov website belongs to an official government organization in the United States.

Secure .gov websites use HTTPS

A lock ( ) or https:// means you’ve safely connected to the .gov website. Share sensitive information only on official, secure websites.

امریکی دفتر خارجہ
ترجمان کا دفتر
وزیر خارجہ اینٹنی جے بلنکن کا بیان
11 فروری، 202

اب جبکہ کووڈ۔19 وباء کو تیسرا سال شروع ہو گیا ہے، اس بیماری کا باعث بننے والے وائرس کی نئی قسم اومیکرون کے تیزی سے پھیلاؤ نے دنیا بھر میں دور رس اثرات مرتب کیے ہیں اور وباء کے خلاف عالمگیر اقدامات میں پائے جانے والے خلا اس بحران سے نمٹنے کی ہماری کوششوں میں رکاوٹ پیدا کر رہے ہیں۔ کووڈ۔19 وباء کے شدید مرحلے کا خاتمہ کرنا امریکہ کی اولین ترجیح ہے لیکن ہم یہ کام اکیلے نہیں کر سکتے۔

ہم جانتے ہیں کہ ہمیں ہنگامی بنیادوں پر یہ جدوجہد کرنا ہے۔ ہم جانتے ہیں کہ وباء کو روکنے کے لیے کیا کرنا ہو گا۔ اب ہمیں یہ کر گزرنا ہے۔ اس مقصد کے لیے وباء سے نمٹنے کے لیے دنیا بھر کے ممالک کے مابین ربط میں اضافہ، عطیہ دہندگان کے مابین بہتر ہم آہنگی اور عملی قائدانہ کردار فوری اور لازمی ضرورت ہیں۔ عالمگیر وباء عالمگیر عملی منصوبے کا تقاضا کرتی ہے اور اسی لیے میں 14 فروری کو ایک ورچوئل ‘کووڈ۔19 گلوبل ایکشن میٹنگ” کا انعقاد کروں گا۔

یہ وباء محض صحت کا بحران نہیں ہے۔ یہ انسانی، ترقیاتی اور سلامتی کا بحران بھی ہے۔ تحفظ صحت قومی سلامتی کا معاملہ ہے اور وزرائے خارجہ کو اس وباء کے شدید مرحلے کا خاتمہ کرنے اور مستقبل میں ایسے بحرانوں سے نمٹنے کی تیاری کے لیے مرکزی کردار ادا کرنا ہے۔

میرے ہم منصب اور علاقائی و عالمی اداروں کے رہنما اس موضوع پر تبادلہ خیال کریں گے کہ کووڈ۔19 گلوبل ایکشن پلان (جی اے پی) کے تحت ہمیں کون سے قائدانہ کردار اور عملی اقدامات کرنا ہیں۔ یہ ایکشن پلان صدر بائیڈن کی منعقد کردہ گلوبل کووڈ۔19 کانفرنس کے موضوعات پر عملی پیش رفت کا منصوبہ ہے۔ اس کانفرنس میں یہ طے کیا گیا تھا کہ ہمیں دنیا بھر کے لوگوں کو ویکسین لگانا، اِس وقت زندگیوں کو تحفظ دینا اور تحفظ صحت کی صورتحال کو پہلے سے بہتر بنانا ہے۔ خاص طور پر، ہم دنیا بھر کے ممالک سے کہہ رہے ہیں کہ وہ (1) لوگوں کو ویکسین لگانے، (2) ویکسین کی ترسیل کے نظام کو مضبوط کرنے، (3) ویکسین سے متعلق اطلاعات میں پائے جانے والے خلا کو دور کرنے، (4) طبی کارکنوں کی معاونت، (5) مخصوص صورتوں میں ویکسین کے بغیر علاج یقینی بنانے، اور (6) تحفظ صحت کے عالمگیر ڈھانچے میں مضبوطی لانے کے اقدامات کریں۔

ہم اس حوالے سے ہر طرح کی کوشش میں شعبہ جاتی، علاقائی اور عالمی قیادت کے ساتھ ذمہ دارانہ ربط رکھیں گے، کووڈ۔19 کانفرنس کے نتیجے میں اس وباء کے خلاف اٹھائے جانے والے اقدامات کی رفتار کو مزید تیز کریں گے اور تحفظ صحت کے مسائل پر قابو پانے کے لیے وزرائے خارجہ کے ساتھ مسلسل رابطے میں رہیں گے۔

وزیر خارجہ بلنکن کے افتتاحی کلمات 14 فروری، 2022 کو 08:30 بجے State.gov پر نشر ہوں گے۔


اصل عبارت پڑھنے کا لنک: https://www.state.gov/covid-19-global-action-meeting/

یہ ترجمہ ازراہ نوازش فراہم کیا جا رہا ہے اور صرف اصل انگریزی ماخذ کو ہی مستند سمجھا جائے۔

U.S. Department of State

The Lessons of 1989: Freedom and Our Future